Кыргызстандын тышкы иштер министри Жээнбек Кулубаев Орусиянын тышкы иштер министри Сергей Лавров менен телефон аркылуу сүйлөштү. Бул тууралуу Кыргызстандын Тышкы иштер министрлигинен кабарлашты. Маалыматка ылайык, эки министр өлкөлөр ортосундагы карым-катнашты өнүктүрүү, аймактык коопсуздук маселелерин талкуулаган.
«Кыргызстан менен Орусиянын ортосундагы стратегиялык өнөктөштүктү жана союздаштык мамилелерди мындан ары да чыңдоо жана бекемдөө үчүн жигердүү кызматташууну улантууну макулдашышты» - деп айтылат билдирүүдө.
Тышкы саясий орган эки министрдин ортосунда конкреттүү кандай маселелер талкууланганын жарыялаган жок.
Кыргыз бийлиги Орусияны башкы стратегиялык өнөк экенин белгилеп келет. Орусия 24-февралда Украинага кол салгандан тарта расмий Бишкек бул маселеде нейтралдуу позицияда экенин билдирген.(BkA)