Украина туткунга түшкөн 144 аскердик кызматкери бошотулганын жарыялады. Украинанын Коргоо министрлигинин Башкы чалгын башкармалыгы 29-июнда Телеграм аркылуу билдиргендей, бул аскерлер согуш башталгандан берки эң чоң туткун алмашуу жараянынын алкагында мекенине кайтып барышты.
Расмий маалыматта туткундар качан, кандай шартта бошотулганы так айтылган эмес. Украинага кайтып баргандардын арасында орус күчтөрүнүн колуна өткөн Мариупол шаарындагы "Азовсталь" заводун коргогон 95 аскердик кызматкер бар. Алардын 43ү "Азов" полкунда кызмат өтөгөн.
Украинанын чыгышындагы өздөрүн "Донецк элдик республикасы" деп атаган жикчил түзүмдөрдүн лидери Денис Пушилин туткун алмашуу болгонун ырастап, жикчилдердин да 144 жоокери артка кайтып келгенин маалымдады.
Украинанын Мариупол шаарында 2 миңдей украин аскерлери туткунга түшкөн. Алар дээрлик үч ай бою шаарды орус күчтөрүнөн коргоп келишкен. Украин бийлиги аларды бошотуу боюнча бардык аракет көрүлө турганын билдирген.
Дагы караңыз
Депутат Тенгиз Бөлтүрүктү “Кумтөрдүн” акчасын үнөмдөөгө чакырды (видео)Министр Бекмурзаев вице-спикер инисин жумушка коюуну суранганын айтып чыкты Жаныбеков: Жайыт комитетине эндикти казууга каршы чара көрүүгө тапшырма берилген Эки аэропортту реконструкциялоо түркиялык компанияга берилетНАТО Орусияны "чоң коркунуч" жараткан өлкө деп жарыялады