Британиянын Коргоо министрлиги Орусия Донбасста резервдеги аскерлерди согушка тартууну караштырып жатканын билдирди. Министрлик кеп жакында армияда кызматын аяктап, запаска кеткен аскерлер тууралуу жүргөнүн, аларга сыягы мобилизациялык резервде келишим сунуш кылынганын болжолдойт. Ал бөлүккө адатта орукта коопсуздукту камсыздоо жүктөлөт.
Орусиянын аскердик журналынын маалыматына караганда, былтыркы сентябрга карай Түштүк аскердик округда 38 миң кишиден турган резерв түптөлгөн. Сөз болгон округдун жоокерлери Донбасстагы кармаштарга активдүү катышууда. Мындан тышкары британдык мекеме Орусия Украинанын чыгышындагы бөлүктөрдү толуктоо үчүн акыркы беш жылда армияда кызмат өтөгөндөрдү тартууда деп эсептейт.
Аскерлер тартыш болуп жатканы менен орус бийлиги мобилизация жарыялоого шашылган жок.
Британ чалгынчылары орусиялык куралдуу күчтөр негизинен Северодонецк жана Лисичанск шаарларынын айланасында топтолуп турганын, Изюмга жакын жерде да согуштук аракеттерин күчөтүүгө даярдык байкалганын билдирди.
"Бул кошумча аскерлерди талап кылат, Орусия аларды тартууну баштады көрүнөт", - деп болжойт британ коргоо мекемеси.
Дагы караңыз
Ташкентте 1,9 тонна баңгизат жок кылындыПрезиденттин Жалал-Абаддагы өкүлүнө сөгүш жарыяландыРайондук сот Фарид Ниязовдун бөгөт чарасы боюнча жооп бердиЗеленский "Чоң жетинин" саммитине кайрылуу жасайтТажикстанда кыргыз-тажик чек арасы боюнча жумушчу топтор жолуктуАба ырайы: күн ысык болот