Улуттук банк валюта рыногунан кайрадан доллар сатып алды. 24-июнда өлкөнүн башкы банкы 59,1 млн доллар сатып алганы тууралуу маалымат мекеменин расмий сайтына жарыяланды.
Бул жолку интервенцияда бир доллардын баасы 79 сом 50 тыйын деп бааланганын "Акчабар" каржылык порталы жазды.
Буга чейин Улуттук банк 17-июнда Кыргызстандын валюта рыногунан 51 миллион доллар сатып алган болчу. Жалпысынан жыл башынан бери 190 миллион доллар сатылып алынды.
Дээрлик эки жыл 85 сомдун тегерегинде туруктуу кармалып келген доллар 24-февралда Орусия Украинага басып кирген күндөн тартып кымбаттай баштаган. Эки апта ичинде анын куну дээрлик 20 сомго жогорулап, 106 сомго жеткен. Ошондон бери төмөндөп отуруп, бүгүн 25-июнда акча алмаштыруучу жайларда доллар 79-80 сомдон болууда. (RK)
Дагы караңыз
УКМК: Кыргыз-өзбек чек арасында мыйзамсыз тоннел аныкталды Милиция Бишкекте кыз уурдалганы тууралуу маалыматты териштирип жататГрузияда евроинтеграцияны талап кылгандардын акциялары улануудаПольшада украин жумушчуларынын ордуна өзбек мигранттарын тартуу сунушталды