Жалпы республикалык тестирлөөнүн (ЖРТ) кошумча этабы 24-25-июнда өтөт. Билим берүү жана илим министрлиги 7-июнда билдиргендей, сынактар Бишкекте жана Ошто уюштурулат.
Тестирлөөнүн негизги этабы 24-28-май күндөрү өткөн. Түрдүү себептерден улам ага мектеп жана коллеж бүтүрүүчүлөрүнүн айрымдары катыша албай калган.
Кошумча сынакка катталуу 15-23-июнда жүргүзүлөт. Быйылкы негизги сынактан өтпөй калгандар кошумча тестирлөөгө катыша алышпайт. (RK)