Казакстандын көпчүлүк аймактарында президент Касым-Жомарт Токаев сунуш кылган конституциялык өзгөртүүлөр боюнча референдум аяктады. Кечки саат 20:00гө алынган маалыматка ылайык, жекшембидеги референдумда бүткүл республика боюнча шайлоочулардын 67,65 пайызы добуш берди.
Борбордук шайлоо комиссиясынын катчысы Мухтар Эрман добуш берүү уланып жаткан Казакстандын батыш тарабындагы дагы беш региондон маалымат күтүп жатышканын айтты.
Добуш берүү аяктаган аймактардын ичинен референдумга Алматы шаарындагы шайлоочулар эң аз катышты. Казакстандын эң ири шаарында жалпы шайлоочулардын 32,25 пайызы гана добуш берди. Шайлоочулардын активдүүлүгү Түркстан облусунда (80,66%) жана Чыгыш Казакстан облусунда (77,49%) байкалды.
Бийлик бул өзгөртүүлөр менен Казакстан супер президенттик башкаруудан президенттик системага өтөрүн билдирип жатат. Көз карандысыз байкоочулар жана активисттер Баш мыйзамга киргизилип жаткан толуктоолорду "реформа" деп атоого болбой турганын, бийлик бул референдум аркылуу алдыдагы президенттик шайлоого гана даярданып жатканын айтып келишет.
Дагы караңыз
Токаев чет өлкөгө чыгарылган каражатты кайтаруу боюнча комиссия түздүМаймыл чечеги Африкадан башка 27 өлкөдө катталдыӨКМ Жапаровдон жардам сурап кайрылган малчы боюнча маалымат бердиУкраина: Орусиянын ракеталарынын бири атомдук станцияга жакын учуп өттүАлматыда активисттер Назарбаевди жоопко тартууну талап кылышты