Дүйнөдө куралдуу кагылышуулардан жана куугунтуктан улам жер которууга аргасыз болгон качкындардын саны биринчи жолу 100 миллион кишиден ашты. Качкындардын санынын көбөйүшүнө Украинадагы согуш сыяктуу куралдуу жаңжалдар себеп болгонун Бириккен Улуттар Уюмунун Качкындар агенттиги 23-майда билдирип, бул сан дүйнө калкынын бир пайыздан ашыгына барабар экенин белгиледи.
"Жүз миллион бул кооптуу сан. Мындай рекорд коюлбашы керек эле", - деп билдирди Бириккен Улуттар Уюмунун качкындар иши боюнча комиссары Филиппо Гранди.
100 миллион адамдын арасында чет өлкөгө качкан адамдар, баш калка издегендер жана өз өлкөсүнүн ичинде жер которгон 50 миллиондон ашуун киши бар.
БУУнун маалыматына ылайык, 2021-жылдын соңунда дүйнөдөгү качкындардын саны 90 миллионго жеткен. Буга Эфиопиядагы, Буркина-Фасодогу, Мьянма, Нигерия, Ооганстан жана Конгодогу куралдуу кагылышуулар себеп болгон.
Орусияны Украинага 24-февралда басып кирген. Андан бери Украинанын өзүндө 8 миллион киши жер которду. 6 миллиондон ашуун украин жараны чет өлкөгө качты. Алардын арасында кайра Украинага кайтып келген жарандар да бар.
Дагы караңыз
Temirov Live каналы Болот Темировду "кармоо операциясын" иликтеди Жолболдуеванын иши боюнча ондон ашык милиция кызматкерине чара көрүлдүМосква: сабалган секелек кызды Өзгөн диаспорасынын лидери алып кеттиАт-Башыдагы кар түшкөн жайлоолорго тоют жөнөтүлдүМилиция Кадамжайдагы кырсыкты териштире баштады