Улуттук телерадиоберүү корпорациясынын кызматкери, белгилүү диктор, Кыргыз Республикасынын Эл артисти Бактыбек Мамытовдун сөөгү “Ала-Арча” көрүстөнүнө коюлду.
Маркумду акыркы сапарга узатуу зыйнаты бүгүн, 21-майда УТРКда өтүп, ага мамлекеттик катчы Сүйүнбек Касмамбетов, Жогорку Кеңештин депутаты Мирлан Самыйкожо, кесиптештери, жакындары, маданият ишмерелери катышты.
Улуттук телерадиоберүү корпорациясынын кызматкери, белгилүү диктор, Кыргыз Республикасынын Эл артисти Бактыбек Мамытов узакка созулган оорудан улам 20-майда 72 жашында дүйнөдөн кайткан.
Ал Улуттук каналда дээрлик 50 жылдай эмгектенген.
Бактыбек Мамытов 1950-жылы 3-мартта Чүй облусуна караштуу Ысык-Ата районундагы Алмалуу айылында туулган. Маалыматка караганда, акыркы жылдары анын жүрөгү ооруп жүргөн.
Бактыбек Мамытов Кыргыз Республикасынын Эл артисти, "Даңк" медалынын ээси. Ал Улуттук телерадиоберүү корпорациясындагы “Арноо концертинин” алып баруучусу катары коомчулукка таанылган. (КЕ/MZh)
Дагы караңыз
Министр Бейшеналиев Чаткалдагы шыбы урап калган мектепке бардыОрусияда Каспаров менен Ходорковский "чет элдик агент" деп таанылды"Чоң жети" Украинанын каржы системасын чыңдоого 19,8 миллиард доллар бөлөтУлуттук наркты сактоо жөнүндө программа иштелип чыгат