Кыргызстандын Улуттук банкынын эсеби боюнча АКШ долларынын 21-майга карата расмий курсу 79,87 сомду түздү. Акыркы жолу 2020-жылы октябрда доллардын куру 80 сомдон төмөн болгон.
Valuta.kg порталындагы маалыматтарга караганда, өлкөдөгү банктарда доллар 80,4 сомдон сатылып, 79,48 сомдон алынууда.
Дээрлик эки жыл 85 сомдун тегерегинде туруктуу кармалып келген доллар 24-февралда Орусия Украинага басып кирген күндөн тартып кымбаттай баштаган. Эки апта ичинде анын куну дээрлик 20 сомго жогорулап, 106 сомго жеткен.
Акыркы күндөрү анын курсу төмөндөөдө. Улуттук банк валюта рыногундагы туруктуулукту сактоо максатында бир нече жолу базарга доллар сатып, сатып алды. 18-майда 6 млн. доллар, 20-майда 20 млн. 550 миң сатып алды.
Кыргызстанда баалар доллардын курсуна карата аныкталгандыктан негизги азык-түлүк кымбаттаган, курс төмөндөгөндөн бери баалардын арзандашы байкала элек. (КЕ)
Дагы караңыз
Түркмөнстанда аялдардын кийимине жана жүрүм-турумуна чектөөлөр кирдиОрусия Мариуполду жана "Азовсталь" заводун толук көзөмөлгө алганын билдирдиЛейлекте эки жүздөй кой-эчкини сел агызып кетти Түркия "Сапат" билим берүү мекемелерине чектөөлөрдү киргизди