Улуттук коопсуздук боюнча мамлекеттик комитети (УКМК) Жалал-Абад облусунун Сузак районунда Б.А.К. аттуу жарандын үйүнөн басып чыгаруу жабдыктары, компьютерлер, принтерлер жана 5 миңден ашык диний адабияттар табылганын билдирди.
"Басмакананын ээсинин диний адабияттарды чыгарууга уруксат кагаздары, тиешелүү маркировкалары жок. Кыргызстан мусулмандарынын дин башкармалыгынын диний экспертизасынан жана текшерүүсүнөн өткөн эмес",-деп айтылат атайын кызмат тараткан маалыматта.
Тинтүү учурунда алынган диний адабияттар теологиялык экспертизага жөнөтүлүп, тергөө жүрүп жатканы айтылды. УКМК тараткан маалыматка караганда, өлкөдө террористтик жана экстремисттик аракеттерге каршы күрөшүү боюнча ыкчам-издөө иштери жүргүзүлгөн.
Кыргызстанда сот тарабынан 2003-жылдан бери 21 диний бирикменин ишмердигине террористтик жана экстремисттик уюмдар катары тыюу салынган. Бул уюмдардын атынан чыккан же аларга таандык экени аныкталган материалдардын бардыгын сот тыюу салынган диний экстремисттик адабияттардын катарына киргизген. (JsA)
Дагы караңыз
Kaktus.media порталына козголгон кылмыш иши токтотулдуЖети-Өгүздө Лениндин мектепке коюлган бюсту талкуу жараттыМурдагы жетекчи министрдин айткандары боюнча маалымат бердиНемис канцлери Украина Евробиримдикке шашылыш киргизилбей турганын айттыКызыл-Кыяда шахтада бир киши газга ууланып каза болду