"Азаттык" радиосуна Өзгөн районунун акими Мурат Раматов 17-майда билдирди.
Маалыматка ылайык, Дамир Монолдоров ротация жолу менен Ысык-Көл облусунан Өзгөнгө мэр болуп келген.
Ал жамаатка 16-майда тааныштырылып, 17-май ишине киришти. Мурдагы мэр Нодирбек Каримов 30-апрелде Өзгөн районунун акими Мурат Раматовдун буйругу менен жумуштан бошотулган.
"Буга анын үстүнөн Ош облустук мамлекеттик администрациясы тарабынан жүргүзүлгөн текшерүүлөрдүн жыйынтыгы себеп болгон", -деп билдирди Мурат Раматов.
Өзгөн шаарынын мурдагы мэри Нодирбек Каримовго карата кызмат абалын кыянаттык менен пайдалануу беренеси боюнча кылмыш иши да козголгон.
Дамир Монолдоров буга чейин «Кыргыз почтасы» мамлекеттик ишканасынын жетекчиси болуп иштеген.(AAb)
Дагы караңыз
Курултай боюнча мыйзам президенттин өтүнүчү менен кезексиз карала баштадыБаткен облустук бийлиги аппарат башчысынын жарандыгы боюнча түшүндүрмө бердиБаткен ТВнын имаратын курууда мыйзам бузуу болгону кабарланды