Орусияда ири өлчөмдө акча уурдоого шек саналып, соттолуп жаткан кыргызстандык келиндин иши Кыргызстандын Новосибирскидеги Башкы консулдугунун көзөмөлүндө экенин Тышкы иштер министрлиги (ТИМ) бүгүн 13-майда билдирди. Мекеменин басма сөз кызматынын маалыматына караганда, келин кармалган күндөн тартып ага консулдук-укуктук жардам көрсөтүлүүдө.
Келинди үй камагына чыгаруу тууралуу эки жолу өтүнүч келтирилгени, анын туугандары жана жактоочусу менен жолугушуулар өткөрүлүп турары, иш министрликтин да көзөмөлүндө экени белгиленди.
Бирок ТИМдин бул маалыматын келинге акысыз адвокаттык жардам берип жаткан теги кыргызстандык, Уфада жашаган Абдилазиз Бадалбаев четке кагууда. 13-майда “Азаттык” адвокат менен байланышканда ал консулдуктан эч ким байланышка чыкпаганын айтты.
45 жаштагы кыргызстандык Айнагүл Борбиева “Жети миллион рубль уурдап алган” деген шек менен Новосибирск шаарында 2021-жылдын ноябрында кармалган. Ошондон бери убактылуу тергөө абагында жатат. (RK)
Дагы караңыз
Бөлтүрүк: "Кумтөр" боюнча жаңы макулдашууга эки тарап тең пландуу түрдө даярданган Жапаров мамлекеттик ишканаларды Санарип министрлигине өткөрүү себебин түшүндүрдүТышкы иштер министри Кулубаев Тажикстанга бардыКиев “Азовсталдан” жарадарларды чыгарып кетүүгө Москва макул болбой жатканын билдирди