Казакстандын Алматы шаарында Улуу Жеңиш күнүнүн урматына «Баатырларга таазим» деген жүрүш өттү. Маалыматка караганда, бул акция Орусиянын Украинага басып кирүүсүнөн кийин аброюна шек келген “Өлбөс полкко” алтернатива катары уюштурулду. Миңдеген киши 1941-45-жылдары согуш майданында күрөшкөн ардагерлердин сүрөттөрүн көтөрүп, Түбөлүк оттун жанындагы мемориалга гүл коюшту.
“Азаттыктын” казак кызматы маалымдагандай, бир топ киши ыйык Георгий тасмасын тагынып жүрөт. Бир катар өлкөдө ал тасмага орус пропагандасынын символу катары тыюу салынган, Украинада болсо аны азыркы нацизмдин белгиси деп билишет. Казакстанда тасмага расмий түрдө тыюу салынган эмес.
1-апрелге карай кошуна өлкөдө Экинчи дүйнөлүк согуштун 387 ардагери калды. Бир жыл мурун 665 ардагер бар болчу.
Дагы караңыз
"Согушта дайынсыз кеткендердин тагдыры иликтениши керек" Аталардын, апалардын эрдигине таазим (сүрөт баян)Жеңиш күнү: Активисттер символдорго тыюу салууга чакырды Кара-Суу: 102 жаштагы жалгыз ардагер