Жээнбек Кулубаев Кыргызстандын тышкы иштер министринин милдетин аткаруучу болуп дайындалды. Мамлекет башчы Садыр Жапаров тиешелүү жарлыкка кол койгону тууралуу маалымат президенттин расмий сайтына жарыяланды.
59 жаштагы Жээнбек Кулубаев 2021-жылдын август айынан бери президенттин администрациясында тышкы саясат бөлүмүн жетектеп келген.
Ага чейин Тышкы иштер министрлигинде бир катар жооптуу кызматтарды аркалаган. Ошондой эле Кыргызстандын Малайзиядагы, Кытайдагы, Казакстандагы элчиси болгон.
22-апрелде Руслан Казакбаев башка ишке өткөнүнө байланыштуу тышкы иштер министринин кызматынан кеткени маалым болду. (EzK)
Дагы караңыз
Жалал-Абад шаарынын мыкты мугалимине автоунаа берилдиТышкы иштер министри Руслан Казакбаев кызматтан кеттиАлиев Арменияны тынчтык келишимине кол коюуга чакырды