Украинанын вице-премьер-министри Ирина Верещук Орусия менен үчүнчү күн катары менен гуманитардык коридор макулдашылбаганын билдирди.
"Тилекке каршы гуманитардык коридор жок. Донбасста тынымсыз аткылоо уланып жатат", - деди Верещук.
Ал Мариупол шаарындагы кырдаалга байланыштуу Орусиянын жетекчилигине кайрылуу жасап, бул шаардан Бердянскини көздөй жайкын тургундарды чыгарып кетүү үчүн коридор ачууну талап кылды.
Ошондой эле Мариуполдогу "Азовсталь" комбинатынан аялдарды, балдарды жана башка карапайым тургундарды эвакуациялоо зарыл экенин белгиледи.
Верещук Херсон жана Харьков аймактарынан гуманитардык коридор ачуу тууралуу Орусия менен сүйлөшүүлөр улана турганын кошумчалады.
Орусиянын күчтөрү курчап турган Мариуполдо миңдеген адамдар каза тапканы кабарланууда. Киев Москваны жайкын тургундардын шаардан чыгып кетишине тоскоолдук жаратып жатат деп айыптап келет. Орусия мындай айыптоолорду четке кагууда.
Президент Владимир Зеленский Орусия Украинанын чыгышындагы Донбасс аймагында жаңы чабуулдарын баштаганын дүйшөмбүнүн кечиндеги видео кайрылуусунда айткан. Ага чейин Киев өкмөтү бул аймактын калкын коопсуз жайларга чыгып кетүүгө чакырган.
Дагы караңыз
Кабулдагы мектепте жарылуу болдуБишкек мэриясы жергиликтүү автобустарды азырынча сатып ала албай турган себебин айттыЖаңы Ак үйдүн баасы жарым жылдын ичинде билинери айтылдыЖаңы Ак үйгө алмашыла турган жердин болжолдуу дареги айтылдыАзия чемпионаты: Махмудов менен Шаршенбеков финалга чыктыАтамбаев кезектеги сот отурумуна катышуудан баш тартты