Бүгүн, 10-апрелде Францияда президенттик шайлоо өтүп жатат.
Божомолдор боюнча, шайлоонун жеңүүчүсү экинчи айлампада гана аныкталып, анда азыркы мамлекет башчысы Эммануэл Макрон жана ашынган оңчулдардын лидери Марин Ле Пен өтөт.
Президенттикке 12 талапкер ат салышууда. Шайлоо алдындагы изилдөөлөргө караганда, ашынган солчул талапкер Жан-Люк Меленшон үчүнчү орунга ээ болуп, 24-апрелдеги экинчи айлампага чыгары күтүлүүдө.
Шайлоочулардын катышуусу солгун болушу мүмкүн. Соңку сурамжылоолор көрсөткөндөй, француз жарандарынын 30% жакыны добуш берүүгө катышпай коюшу ыктымал. Сурамжылоолор он шайлоочунун үчөө кайсы талапкерге артыкчылык берерин акыркы мүнөттөргө чейин тандай албаганын көрсөттү.
Эгерде учурдагы президент менен Марин Ле Пен экинчи турда күрөшүн уланта турган болсо, анда алар 2017-жылдагы шайлоодон алда канча катуу атаандааш болору болжолдонууда. Анда Эммануэл Макрон экинчи турда 66% добуш алып лидер болгон, ал эми ашкере оңчулдардын талапкери Марин Ле Пен 34% алган.
Дагы караңыз
"Европа Кыргызстан менен жаңы келишимдерди түзөт"Мектептерди 12 жылдык окууга өткөрүү сунушу талкууда Президент жер басып алууга каршы жарлык чыгардыПакистандын премьер-министри Имран Хан бийликтен четтетилди