Украинанын президенти Владимир Зеленский Москваны аскердик кылмышка айыптап жатканына карбай, Орусиянын президенти Владимир Путинди кайрадан сүйлөшүүгө чакырды. Бул тууралуу 20-мартта CNN телеканалына курган маегинде билдирди.
“Мен аны менен сүйлөшүүгө даярмын. Менин оюмча биз сүйлөшүүсүз согушка чекит коё албайт окшойбуз. Эгер бизде согуштуу токтоту үчүн 1% шанс болсо, менимче биз ал шансты колдонуп калышыбыз керек. Ошону үчүн Путин менен сүйлөшүү мүмкүнчүлүгүн пайдаланышыбыз керек. Бирок, биздин аракеттерибиз өзүн актабаса, анда анын арты Үчүнчү дүйнөлүк согушка алып келет”,-деди Зеленский.
Орусиянын президенти Владимир Путиндин "Донбасстагы калкты коргоо" тууралуу билдирүүсүнөн кийин орус аскерлери 24-февралда Украинага басып кирди. Ошондон бери Украинанын бардык аймактарында аткылоо жана бомбалоо уланууда. Эң катуу чабуулдар Киевге, Харьковго жана Мариуполго жасалды. Жүздөгөн адамдар каза болуп, 3 миллиондон ашык адам өлкөдөн чыгып кетти.
Андан бери кырдаалды жөнгө салып, ок атышуунун шарттарын кароо боюнча орус-украин делегацияларынын сүйлөшүүлөрү жыйынтык бербей жатат. Украин президент Владимир Зеленский орус президенти Владимир Путин менен жолугушууга даяр экенин билдирүүлөрүндө улам-улам айтып келет. Москва болсо өз шарттарына көнмөйүнчө диалог мүмкүн эмес экендигин билдирүүдө.
Соңку сүйлөшүүлөр негизинен Беларустун аймагында өтүп жатат. Жогорку деңгээлдеги сүйлөшүүлөрдү өз аймагында уюштуруп берүүнү Швейцария менен Түркия сунуштады. (ErN)
Дагы караңыз
Бельгия: карнавалдын катышуучуларын машине сүзүп, алты адам каза болдуПакистандын парламенти премьерге ишенбестик көрсөтөрүн маалымдадыАба ырайы: Жаан жаайтЙемендик хуситтер Сауд Арабиясынын мунай объектилерине сокку урдуБУУ: Украинада 10 миллиондой адам үй-жайын таштоого аргасыз болду