Бишкек-Ош жолунун "Сосновка" постунда жана Өтмөк ашуусунда оор жүк ташуучу автоунаалардын өтүүсүнө чектөөлөр киргизилди. Чектөө аба ырайы калыбына келгенге чейин болот.
Бул тууралуу Жол коопсуздугун камсыздоо башкармалыгынын басма сөз кызматы билдирди. Маалыматка караганда, учурда Төө-Ашуу жана Өтмөк ашууларынын айланасындагы жолдордо кар калың жаап жатат.
Ашууларда жолду тазалоого барды техника тартылып, автоунаалардын коопсуз өтүүсү үчүн атайын материалдар төгүлүүдө.
Мекеме айдоочуларды дөңгөлөктүн чынжырын алып жүрүүгө, каршы тилкеге чыкпоого, атайын техниканын жүрүшүнө тоскоолдук кылбоого, жайкы дөңгөлөктөр менен жүрбөөгө жана машинелер ортосундагы 500 метр аралыкты сактоого чакырат.
Синоптиктер Кыргызстанда 20-мартка чейин туруксуз аба ырайы сакталарын, тоолуу аймактарында кар көчкү түшүүсү күтүлүп жатканын айтууда.
Дагы караңыз
Орусия Киевге жана Львовго чабуулун күчөттүСаламаттык сактоо министрлиги Түркиядан дары-дармек алып келүүнү макулдашты БУУ Ооганстандагы миссиясынын мөөнөтүн узарттыОрусиядан дан азыктарын алып келүү маселеси талкууланды