Украина орус күчтөрүн "Мелитопол шаарынын мэри Иван Федоровду уурдап кетти" деп күнөөлөдү. Мындай билдирүүнү Украинанын Тышкы иштер министрлиги 11-мартта жарыялады.
"Мелитополдун мэринин уурдалышы Женева конвенциясы жана Кошумча протокол боюнча согуш кылмышы деп мүнөздөлөт. Бул документтер согушта жайкын тургундарды туткунга алууга тыюу салат", - деп айтылат билдирүүдө.
Украин тарап орус күчтөрү Федеровду эч негизсиз террорчулукка айыптагандан көп өтпөй уурдап кетишкенин белгилеп жатат. Азырынча Орусиянын бийлиги бул маалымат боюнча комментарий бере элек.
Орус күчтөрү Украинага 24-февралда басып кирген. Украинанын түштүк-чыгышындагы Мелитопол шаары Орусиянын армиясынын көзөмөлүнө өткөн.
Жарым айга чукулдаган бул согуштан жүздөгөн аскерлер жана жайкын тургундар каза тапты. Согушту токтотууну көздөгөн тынчтык сүйлөшүүлөрүнөн майнап чыга элек.
Дагы караңыз
Чехия: Украинадан качкан кыргызстандыктар Бутага алынган төрөт үйү, бурмаланган маалыматтарАКШ Орусияга жаңы экономикалык чараларды жарыяладыCotton Campaign Өзбекстандын пахтасына киргизилген бойкот алынганын жарыялады Суракта жүргөн мугалим өз жанын кыйды