Балыкчы – Кочкор – Кара-Кече темир жолун куруу долбоорун иштеп чыгуу башталды. Бул тууралуу өкмөттүн басма сөз кызматы билдирди.
Темир жолду куруу боюнча иштин буйрутмачысы болуп "Кыргыз темир жолу" ишканасы аныкталган. Тийиштүү чечимге Министрлер кабинетинин төрагасы Акылбек Жапаров кол койгон.
Чечим темир жол тармагын өнүктүрүү, Кара-Кече күрөң көмүр кенин иштетүүдө транспорттук камсыздоо жана республиканын жана анын аймактарынын экономикасын өнүктүрүү максатында кабыл алынганы айтылат.
Документке ылайык, Балыкчы – Кочкор – Кара-Кече темир жолун куруу боюнча башкы подрядчы болуп "Кыргыз темир жолу" улуттук компаниясынын "Көпүрө куруу отряды" мамлекеттик ишканасы саналат.
“Балыкчы - Кочкор - Кара-Кече” долбоорунун биринчи этабында узундугу 63 чакырым болгон “Балыкчы - Кочкор” темир жолун куруу пландалууда. Учурда долбоорлоо-изилдөө институттарын жана профилдик адистерди тартуу менен “Балыкчы - Кочкор” темир жол долбоорунун техникалык-экономикалык негиздемеси иштелип чыгууда.
Нарын облусунун Жумгал районунда жайгашкан Кара-Кече көмүр кени Кыргызстандын түндүк аймагын көмүр менен камсыздаган негизги кен болуп саналат.
Дагы караңыз
Санкциялардын Кыргызстанга таасири: экономикадан киного чейин Машинеден 1 млн. сом уурдоого шек саналган киши кармалдыТүркиялык журналист Грант Динкти өлтүрүүгө шектүү Бишкекте кармалдыУлуттук банктан алтын алгандар көбөйдү