Европа Биримдиги SWIFT аттуу банктар арасындагы акча которууну камсыз кылган глобалдык системасынан Орусиянын ВТБ, "Россия", "Открытие", Новикомбанк, Промсвязьбанк, Совкомбанк жана ВЭБ деп аталган банктарынын баарын өчүрдү. Бул тууралуу маалымат уюмдун расмий журналында жарыяланды.
Евробиримдиктин жетекчилиги ошондой эле Европалык каржылык институттарды орусиялык банктарга евро банкнотторун сатууга тыюу салды.
Буга чейин АКШ жана Европа Биримдиги орусиялыкбанктарга санкция салынганын билдиришкен. Алардын катарындагы Сбербанк SWIFT системасынан өчүрүлгөн-өчүрүлбөгөнү белгисиз. Буга чейин Сбербанк өзү Европа рыногунан толук кетерин маалымдаган.
SWIFT аркылуу дүйнөдөгү банктар жана каржы институттары акча которуулар тууралуу кат алышат. Бул системага 200 мамлекеттеги 11 миңден ашык уюм киргизилген. Айрым эсептерге караганда, SWIFT аркылуу жылына беш миллиарддай кат алмашылат. Системаны Евробиримдиктин мүчөсү Белгиядагы компаниялар башкарат. (ErN)
Дагы караңыз
ТИМдин өкүлү Украина боюнча комментарий бердиУкраина: Никополдогу базарга сокку урулду Харьковдун борбордук бөлүгүнө чабуул жасалдыОрусия “Дождь” каналынын жана “Эхо Москвы” радиосунун сайтын жаптыЭгемендикти туу туткан дарыгер атуул эле