Бишкекте 2-мартта БУУ менен кызматташтык, уюмдун 2023-2027-жылдарга карата туруктуу өнүгүүсү боюнча жыйыны өттү. Ага Министрлер кабинетинин төрагасы Акылбек Жапаров, анын орун басары Эдил Байсалов баштаган өкмөт өкүлдөрү катышты.
Жыйында сөз сүйлөгөн учурда Байсалов БУУ менен кызматташтык мындан ары уланарын айтты:
"Биздин өлкөнүн БУУга мүчө болгонуна 30 жыл толду жана бул убакыт аралыгында жарандардын жаңы мууну өсүп чыкты. Биз жаш, намыстуу жана алга умтулган өлкөбүз. Калкыбыздын үчтөн экисинен ашууну – отуз жашка чейинки жаштар. Ошондуктан, эгемендүүлүктүн алгачкы отуз жылдык жыйынтыгын белгилеп жатып, биздин элибиз өзүнүн эгемендүүлүгүн, мамлекеттүүлүгүн жогору баалап, кийинки үч миң жылда БУУга мүчө болуп кала берет деп айта алабыз", - деген Байсалов.
Кыргызстан 1992-жылы 2-мартта Бириккен Улуттар Уюмуна кабыл алынган.