Орусиянын Бириккен Улуттар Уюмундагы 12 дипломаты персона нон-грата деп жарыяланды. Бул тууралуу Орусиянын бул уюмдагы туруктуу өкүлү Василий Небензя 28-февралда билдирди.
Ал мындай чечимди АКШ кабыл алганын, Нью-Йорктогу дипломаттар 7-мартка чейин өлкөдөн чыгып кетиши керек экенин айтты.
Кошмо Штаттардын БУУдагы өкүлдөрү түшүндүргөндөй, орус дипломаттары өз милдеттерине жана жоопкерчилигине кирбеген иш-аракеттер менен алек болгону үчүн өлкөдөн чыгарылып жатат.
Дипломаттарга байланыштуу соңку чечим Батыш өлкөлөрү Орусиянын Украинага согуш ачканын айыптап, Москвага санкцияларды жарыялап жаткан маалда кабыл алынды.
Орусиянын президенти Владимир Путиндин "Донбасстагы калкты коргоо" тууралуу билдирүүсүнөн кийин орус аскерлери 24-февралда Украинага басып кирди. Беш күндөн бери Украинанын бардык аймактарында аткылоо жана бомбалоо уланууда. Эң катуу чабуулдар Киевге жасалды.
Дагы караңыз
Зеленский Украинанын Евробиримдикке кирүү арызына кол койдуТүркия орус аскердик кемелеринин Кара деңизге өтүшүн чектейтОрусия менен Украина делегацияларынын сүйлөшүүсү аяктадыУкраинадагы кыргыздар: Сыртка чыкпай жашынып отурабыз