Борбордук шайлоо комиссиясынын (БШК) маалыматына ылайык, Бишкек шаарындагы бир мандаттуу эки шайлоо округунда саат 12.00гө карата шайлоочулардын 7,04%, башкача айтканда 15 461 адам добуш берди.
Шайлоочулар Свердлов районунда активдүү болууда, добушканалар ачылган төрт сааттын ичинде 10 038 адам келди.
Бишкектин №27 Биринчи май жана №29 Свердлов шайлоо округдарында 27-февралда кайра добуш берүү өтүп жатат. Бул эки округдан 50 талапкер (Биринчи май округунан 25, Свердлов округунан 25) ат салышууда.
Аталган эки округда 2021-жылдын 28-ноябрындагы шайлоодо “баарына каршы” деген добуш көп болгондуктан, кайра шайлоо дайындалган.
Жогорку Кеңеш 90 депутаттан турат.
Дагы караңыз
Украинадан 30дан ашык кыргыз жараны башка өлкөгө чыгып кетти Орус аскерлери Харьковго кирип келгени кабарлануудаӨкмөт айыл чарба насыясын алгандарды тескейт