Жамааттык коопсуздук келишим уюму (ЖККУ) Евразия аймагында коопсуздукту камсыз кылуу боюнча негизги эл аралык уюмдардын бири боло алганын Кыргызстандын Бириккен Улуттар Уюмундагы (БУУ) туруктуу өкүлү Аида Касымалиева билдиргенин 17-февралда Тышкы иштер министрлиги (ТИМ) кабарлады.
Мекеменин маалыматына караганда, Касымалиева 16-февралда БУУнун Коопсуздук кеңешинин БУУ жана ЖККУ кызматташтыгы боюнча жыйынына катышты.
Өз сөзүндө ал Ооганстандагы кырдаалды жана Казакстандагы соңку окуяларды эске алганда кыргыз тарап аймактык жана эл аралык коопсуздукту камсыз кылууда БУУ менен ЖККУнун кызматташтыгынын бекемделишине кызыкдар экенин айтты.
1992-жылы негизделген ЖККУнун курамында алты өлкө бар – Армения, Беларусь, Казакстан, Кыргызстан, Орусия жана Тажикстан.
Казакстандагы Январь окуялары учурунда бул өлкөгө ЖККУ аскерлери киргизилип, кийин кайра чыгарылган. Кыргызстандан жоокерлерди жөнөтүү маселеси көтөрүлгөндө коомчулукта каршы пикир жаралган.
Дагы караңыз
Кыргызстан Орусияга миграциялык жаңы эрежелерге байланыштуу нота жөнөттүАйзаданын өлүмү: Сотко ашпаган иш, жабыркагандардын нааразылыгы Ысык-Көлдө форель кантип көбөйөт? Орусия аскерлерин артка кайтарып жатканын үчүнчү жолу кабарлады