Абдылас Малдыбаев атындагы кыргыз улуттук опера жана балет театрына башкы директор болуп Алмазбек Истамбаев дайындалды.
Бул тууралуу Маданият, маалымат, спорт жана жаштар саясаты министрлигинин басма сөз кызматы билдирди.
9-февралда Истамбаевди театрдын жамаатына министр Азамат Жаманкулов тааныштырды.
Жаңы директор 2000-жылдан 2019-жылга чейин опера жана балет театрынын алдыңкы опера солисти болуп иштеген.
2017-2020- жылдар аралыгында кыргыз мамлекеттик академиялык симфониялык оркестринин директору, 2020-жылдан “Евразия ааламы – XXI кылым” мамлекеттер аралык форумунун көркөм жетекчиси сыяктуу бир катар кызматтарда иштеп келген.
2021-жылдын жаз, жай айларында аталган театрдан ондон ашуун балет бийчиси жумуштан кетип, жетекчиликке нааразылыктар күчөгөн. Министрлик кырдаалды иликтөө үчүн атайын комиссия түзгөн.
Истамбаевге чейин театрды 2019-жылдан бери Керим Турапов жетектеп, кызматтан 22-январда кеткен. (BCh)
Дагы караңыз
Кафе-ресторан иштеткендер салык жобосуна нааразы Ураимовдун камалышы, сөз эркиндигинин абалы Чет жактагы мигранттардын расмий эсеби 1 миллион 118 миңге жетти Элдик дипломатия: кыргыз-тажик аксакалдары кездешти ЖК айнек караңгылатууга уруксат берүү долбоорун биринчи окууда колдоду