Кыргыз-тажик чек арасындагы куралдуу жаңжалдан улам кооптуу аймактардан Максат, Кулунду, Сада айылдарынын тургундары жеке автоунаалар менен эвакуацияланууда. Бул тууралуу 28-январга караган түнү Өзгөчө кырдаалдар министрлигинен кабарлашты.
Учурда аталган министрлик кошумча жарандарды кабыл алууга даярдык көрүүдө. Бул үчүн 90дон ашууну куткаруучу тартылды.
Буга чейин жаңжалдан улам Баткен районундагы Ак-Татыр, Жака-Өрүк, Үч-Дөбө, Самаркандек, Ак-Сай, Таш-Тумшук айылдарынын тургундары тынч жакка чыгарылып жатканы кабарланган. Алар Баткен районундагы Рават айылына жайгаштырылып жатат.
Учурда Баткендеги Жарандык коргонуу кызматтары өзгөчө кырдаал режиминде иш алып барууда.(BkA)