Ысык-Көл облусуна караштуу Түп районундагы Каркыра жайлоосунан Казакстандын чек арачылары кармап кеткен Сыймык Өмүрбек уулунун апасы Чынара Тамаева презединт Садыр Жапаровго, Улуттук коопсуздук комитетинин (УКМК) төрагасы Камчыбек Ташиевге кайрылды. Анда аталган жайлоодогу №3 ферманын тургуну 1999-жылкы студент уулу мал издеп жүрүп коңшу өлкөнүн чек арасына кокусунан өтүп кеткенин айтып, аны кайтарып келүүгө көмөк сурады. Бул окуя 10-январда болгон.
Буга чейин УКМКнын Чек ара кызматы Казакстандын чек арачылары кармап кеткен кыргыз жаранын бошотуу үчүн эки тараптуу сүйлөшүүлөрдү жүргүзүп жатканын билдирген.
Сыймык Өмүрбек уулунун кармалганын 12-январда Жогорку Кеңеште депутат Акылбек Түмөнбаев айтып чыккан. Анын сунушу менен төрага Талант Мамытов тиешелүү мекеме-органдарга протоколдук тапшырма берген.
2017-жылы дагы Каркыра жайлоосундагы №3 фермасынын бир тургуну мал кайтарып жүрүп, казак чек арасынан өтүп кеткен. Эки тараптуу сүйлөшүүлөрдөн кийин кыргыз жараны мекенине кайтарылган.
Кыргыз парламенти 2002-жылы май айында Үзөңгү-Кууш тилкесин Кытайга, ал эми 2008-жылы Каркыра жайлоосунун бир бөлүгүн Казакстанга өткөрүп берүү тууралуу келишимдерди ратификациялаган жана бул коомчулукта чоң талкуу, нааразылык жараткан. (KS)
Дагы караңыз
Депутаттардын сурагы: чек ара протоколу жана диплом чырыЖолдо кыйылган өмүр, абактан бошотулган айдоочуHRW демократ лидерлер көңүл бурчу жагдайларды санадыКыргызстандыктар кабылган кысым, Каркырадан кармалган жаран