Армениянын Коргоо министрлиги Азербайжан менен чек арасындагы катуу кагылыштан кийин дагы бир аскеринин сөөгүн тапканын 12-январда маалымдады. Мекеме күн мурун эки аскери каза болгонун билдирген.
Азербайжандын расмий бийлиги кармашта бир аскери окко учканын кабарлаган.
Армениянын Коргоо министрлиги кагылыш үчүн азербайжандык күчтөрдү айыптап, алар 11-январда Армениянын Гегаркуник облусунун Верин Шоржа районунда ок чыгарганын айткан. Ереван азери күчтөрү чек араларды артиллерия менен аткылаганын жана учкучсуз учактарды колдонгонун билдирген.
Баку артиллерияны жана учкучсуз учактарды колдонгонун төгүндөп, алардын күчтөрү “каршы тараптын чагымына гана жооп берди” деп маалымдаган.
Армения менен Азербайжан 2020-жылы Тоолуу Карабак аймагын талашып катуу кагылышкан. Анда Армения тараптан 4 миңдей, Азербайжан тараптан 3 миңдей адам каза болгон. Тараптардын тиреши Орусиянын арачылыгы менен токтогон.
Дагы караңыз
"Манас ордого" саякатка барган окуучуларга мейманкана курулат "Талибан" Тажикстан жана Өзбекстандан тик учактарын кайтарып берүүнү талап кылдыЖаңы конуштагы 600дөн ашык жер тилке ээсине техпаспорт берилдиЖКда Алматыда кармалган кыргыз жарандары тууралуу маселе көтөрүлдү Москвада биринчи жолу "жарансыздык паспорту" берилди