Акыйкатчы институту Казакстандын Чымкент шаарында кармалып, полицияга сурак берип чыккан кыргызстандык эмгек мигранты Баялы Төрөгелдиевдин абалы оор экенин кабарлады.
1997-жылы туулган Төрөгелдиевдин туугандары Акыйкатчы институтуна кайрылган. Алардын айтымында, Баялыны Чымкенттин полициясы 9-январда үйүнөн күч колдонуп алып кетип, сабап, суракка алган. 10-январда кайра суракка чакырылган. Туугандары Баялынын абалы оор, медициналык жардамга муктаж экенин айтып жатышат.
Акыйкатчы институту Казакстандын омбудсмени Элвира Азимовага кайрылып, кармалган кыргызстандыктарга укуктук жардам берүүгө көмөктөшүүнү, алардын ар бири тууралуу так маалымат берүүнү, кармалгандарды суракка алууда, изилдөө жүргүзүүдө эл аралык адам укугуна байланыштуу нормаларды сактоону өтүнгөн кат жиберди.
10-январда Кыргызстандын Тышкы иштер министрлигинин басма сөз кызматы Казакстандын аймагында беш кыргызстандык кармалганы тууралуу маалымат берди.
Акыркы кабарларга караганда, Казакстанда башаламандыкка катышы бар деген шек менен алты миңден ашуун адам кармалды. (BCh)
Дагы караңыз
Казакстан: Масимовго “бийликти басып алуу” боюнча айып тагылды Женевада АКШ менен Орусиянын делегацияларынын сүйлөшүүсү башталды Бир суткада коронавирус 198 кишиге жугуп, бир адам каза болдуЖККУ: Жапаров Казакстанда кармалган кыргыз жарандары тууралуу сөз кылды