Украинада сот экс-президент Петро Порошенкого таандык делген бардык мал-мүлктү камакка алды. Мындай чечимди Киевдин Печерск райондук соту 6-январда чыгарды.
Соттун өкүмүнө Порошенкого мамлекеттик чыккынчылыкка байланыштуу козголгон кылмыш иши негиз себеп болду. Адвокат Игорь Голован экс-президентке айып тагууда мыйзам бузулганын белгилеп, жогорку инстанцияга арызданарын билдирди.
Порошенконун командасындагы булактар кабарлашкандай, саясатчыга тиешелүү бардык жер тилкелери, ага байланышы бар банктар, завод-фабрикалар, анын ичинде Козиндеги үйү, банк эсептери жана акциялары камакка алынды.
Декабрда Украинадан Польшага чыгып кеткен экс-президент, учурда Жогорку Раданын депутаты Петро Порошенко жакында кайтып келип, сотко катышарын билдирди.
Дагы караңыз
Токаев “террорчуларга каршы эскертүүсүз ок атууга буйрук бергенин" билдирдиCOVID-19: Бишкекте кошумча 400 орун даярдалдыКазакстандын ИИМи: 26 “куралдуу адам” өлтүрүлдү, 3 миң адам кармалдыСултанбаев: Кыргызстанда азык-түлүк жана күйүүчү май жетиштүү