Тажикстандын Жогорку соту Азиза Давлятованы 11 жылга абакка кести. Ага күйөөсүнүн экинчи аялы делген Мадина Мамажанова аттуу келинди "кыйнап, сабаган" деген айып тагылган. Мадина төрт ай комада жатып, 15-декабрда көз жумду. Бул окуя Тажикстанда катуу резонанс жараткан.
14-декабрда Азиза Давлятованын күйөөсү Парвиз Давлятов «эки аял алуу», «өз жанын кыюуга жеткирүү», «адамды ырайымсыз токмоктоо» үчүн күнөөлөнүп 8 жылга эркинен ажыратылган. Жубайлар үстүнөн сот жабык өтүү.
32 жаштагы Мадина 25-августта катуу жаракаттар менен, эс-учун жоготкон абалда Дүйшөмбүдөгү Улуттук медициналык борборго түшкөн. Жакындарынын айтымында, аны Парвиз Давлятовдун биринчи аялы кызганып сабап кеткен. Азиза Давлятова жана туугандары ал окуя тууралуу комментарий берген эмес.
Тартип коргоочулар мунапыска таянып, адегенде Мадинаны сабагандарды жоопко тартуудан баш тартып келишкен. Кийин жарандык активисттер тажик башкалаасынын мэрине кат жолдоп, ал ишти өз көзөмөлүнө алууну талап кылышкан. Бир нече күндөн кийин Дүйшөмбүнүн райондук прокурорунун орун басары иштен алынган.
Дагы караңыз
Өзбекстандык Нодирбек Абдусатторов тез шахмат боюнча дүйнө чемпиону болдуПарламенттин VII чакырылышы ишин баштады, Мамытов спикер болду Жогорку Кеңештин төрагалыгына Мамытов менен Мадумаров сунушталдыПарламентте 13 депутат "Элдик" деп аталган топ түздүОрусияда «Мемориал» укук коргоо борборун жабуу чечими чыкты