25-декабрда Казакстандын соода жана интеграция министри Бахыт Султанов жетектеген делегация Кабулда "Талибан" кыймылы (Кыргызстанда тыюу салынган) түзгөн ооган өкмөтүнүн өкүлдөрү менен сүйлөшүүлөрдү өткөрдү. Казак тараптын расмий маалыматына ылайык, бул жолугушууда министр Султанов Казакстан Ооганстан менен соода жүгүртүүнүн көлөмүн көбөйтүүгө кызыкдар экенин айтты.
Ошондой эле казак делегациясы ооган жергесине ун жана дан азыктарын экспорттоону улантарын жана Ооганстандан жер-жемиштерди сатып алууга даяр экенин билдирди.
Ооганстанга бир жылда керектеген ундун жалпы көлөмүнүн басымдуу бөлүгү Казакстандан келет. Казакстандын өзүндө өндүрүлгөн ундун жарымына чукулу жана дан эгиндеринин 10% ооган рыногуна багытталган.
Казакстандын Соода жана интеграция министрлигинин маалыматына ылайык, 2021-жылдын январь-октябрь айларында Ооганстан менен соода жүгүртүүнүн көлөмү 345 миллион долларды түзгөн. Бул былтыркы жылга салыштырмалуу 27,5% төмөн.
"Талибан" кыймылы Ооганстанда бийликти басып алгандан бери казак өкмөтүнүн өкүлдөрү талиб жетекчилери менен бир нече жолу жолугушту. Министр Султанов баштаган бул жолку делегация талиб өкмөтүндөгү премьер-министрдин орун басары Абдула Салам Ханафи, тышкы иштер министр Амир Хан Муттаки жана соода министринин милдетин аткаруучу Нуриддин Азизи менен сүйлөшүүлөрдү өткөрдү.
Дагы караңыз
Бишкек ЖЭБинде суу түтүгү жарылып, оңдоо иштери жүрүп жататОрус аскерлери Украина менен чек арадан кетип жатканы кабарландыHRW: Орус бийлиги сөз эркиндигине болгон кысымды күчөттүНобел сыйлыгынын лауреаты Десмонд Туту дүйнөдөн кайттыАба ырайы: Көпчүлүк аймактарда кар жаайт