АКШнын түштүгүндө 11-декабрда, жумадан ишембиге караган түндөгү алааматтан кеминде 50 киши каза тапты. Бир эле учурда ондогон торнадо АКШнын алты штатын каптаган. Каза болгондор жана кыйроолор тууралуу Кентукки, Арканзас, Теннесси, Миссури жана Иллинойс штаттарынын бийликтери кабарлашты.
Кентуккинин губернатору анын штатында эле кеминде 50 киши катуу бороондун курмандыгы болгонун билдирди. Баарынан көп Кентукки штатындагы Грейвс округу жана анын административдик шаары Мейфилд жабыркаган.
Торнадо шам заводунун чатырын, юстиция сарайынын мунарасын жана жанындагы түрмөнүн имаратын талкалаган. Штаттын бийлиги Кентуккиде өзгөчө абал жарыялады.
Иллинойс штатында жумушчулардын тобу чатыры кулап кеткенден кийин Amazon компаниясынын кампасында убактылуу камалып калган. Теннессиде үч киши, Арканзаста бир киши каза болду.
Дагы караңыз
"Азаттыктын" кабарчысы "Маданияттын мыкты кызматкери" төш белгисин алды Олаф Шольц Евробиримдиктин коопсуздук маселелерин талкуулоо үчүн Брюсселге бардыБШК бир мандаттуу сегиз шайлоо округу боюнча расмий жыйынтыгын чыгардыЖОЖдордо окуу акысы үч жыл бою көтөрүлбөй турган болду