Баткендин Кадамжай районунун Кызыл-Булак айылынын тургуну, 2014-жылы Өзбекстандын Фергана облусунда 10-жылга кесилген Кубанычбек Эралиев жазасын өтөп бүтүп Кыргызстанга өткөрүп берилди.
Бул тууралуу “Азаттыкка” Эралиев өзү билдирди. Ал мындан жети жыл мурун “чек араны мыйзамсыз бузган“ жана “тыңчылык кылган” деген айыптар менен Өзбекстанда абакка кесилген. Түрмөдө жети жарым жыл отурган Эралиев өлкөгө 9-ноябрда келген.
“Мен жаза өтөгөн колониянын кызматкерлери мени Кадамжай районунун өткөрмө бекетине чейин коштоп келишти. Бул жактан туугандарым тосуп алды”.
48 жаштагы Кубанычбек Эралиев Өзбекстанда сот жообуна тартылган кезде 41 жашта болчу. Ошол кезде анын жубайы күйөөсү кыргыз-өзбек чек арасын паспорту жок кесип өткөнүн, аны 2014-жылдын 2-майында өзбек тарап чек ара мыйзамын бузгандыгы үчүн кармаганын айтып берген.
Жакындары Эралиевге тыңчылык боюнча айып тагылганы туура эмес жана бул айыпты ал моюнуна албаганын айтышкан. Өзбекстандагы сотко кыргыз тараптан эч ким, айыпталуучунун жакындары да катыша алган эмес. (BTo)
Дагы караңыз
Министрлердин, акимдердин орун басарларынын саны кыскарат Сот "Жахабанын күбөлөрүнүн" китептерин экстремисттик деп тааныган жок Тажикстанда үч кыргызстандык жаран соттолду Садыр Жапаров Текебаевди сабагандарга бийликтин тиешеси жок экенин айтты"Аврора" пансионатына байланыштуу эки адам кармалды