Түркмөн бийлиги абактагылардын үй-бүлөлөрүн жана эмгек мигранттарын арзан баада азык-түлүк сатып алуу мүмкүнчүлүгүнөн ажыратууну чечти.
Бул чара арзандатылган тамак-аш сатып алуу үчүн мамлекеттен жөлөк пул алган миллиондогон түркмөндөргө таасир этери күтүлүүдө.
Түркмөнстандын көптөгөн тургундары жакында социалдык жардамсыз калат. Анткени жаңы чыккан жобого ылайык, камактагылардын жана эмгек мигранттарынын үй-бүлөлөрү азык-түлүк тартыштыгынын шартында мамлекет субсидиялаган арзан тамак-аш сатып алуучулардын социалдык тизмесинен чыгарылат.
Бир нече булак “Азаттыктын” түркмөн кызматына жаңы жобо келерки жылдын башында күчүнө кирерин айтты.
Түркмөнстан жарандарын мамлекеттик азык-түлүк дүкөндөрүнөн арзан баада тейлөөнү барган сайын чектеп жатканы кабарланды.
Бул мамлекеттик дүкөндөр нан, ун, суу май жана кумшекер сыяктуу негизги азык-түлүктү жеке менчик дүкөндөргө караганда 10 эсе арзан сунуштайт.
Мындай чара энергияга бай, бирок абдан жакыр өлкөнүн миллиондогон калкына терс таасирин тийгизери болжолдонууда.
Чет өлкөлөрдөгү түркмөн эмгек мигранттарынын саны миллионго жакын деп эсептелсе, алардын көбү Түркияда иштей турганы айтылган.
2021-жылдын башында өлкөдө камактагылардын саны 35 миңге жакын деп эсептелген.
Дагы караңыз
Абактагы Равшан Жээнбековдун адвокаты президентке кайрылдыАнаранын баяны: Басмырлоо мени чарчаттыПрезиденттин жана Жогорку Кеңештин иш башкармалыгы бириктирилдиКазакстанда миңге жакын кишиге мунапыс берилетКиевде Зеленскийге каршы митинг өттү Беш-Кемпир: эски кампада билим алган окуучулар