Ош облустук ички иштер башкармалыгы добуш сатып алууга шек санап 26-ноябрь күнү "Альянс" партиясынын мүчөсүн кармады. Текшерүүдө анын жанынан 16 миң сом табылган.
Шектүү шаардык милицияга өткөрүлгөн.
"26-ноябрь күнү Ош шаарынын тургуну 1983-жылы туулган С.К. (аял киши) аныкталган. Тергөөнүн жүрүшүндө тийиштүү күбөлөр суралган. Топтолгон материалдардын негизинде С.К. 16 миң сом бергендиги аныкталып, Ош ШИИБдин убактылуу кармоочу жайына киргизилген", - деп жазылган милициянын билдирүүсүндө.
Бул факт боюнча Жазык кодексинин 192-беренеси ("Шайлоочуларды сатып алуу") менен сотко чейинки өндүрүш башталып, тергөө жүрүп жатат.
Буга чейин "Альянс" партиясынын талапкери Кара-Сууда "Ата-Журт Кыргызстан" партиясынын штабынын жанынан 250 миң сомдон ашык акчасын таштай качкан кишини милицияга кармап берген. Учурда бул иш дагы тергөөдө.
28-ноябрда өтө турган парламенттик шайлоого 21 партия жана бир мандаттуу округдардан 287 талапкер ат салышууда. Жогорку Кеңештеги 90 орунга партиялардан 54, бир мандаттуу округдардан 36 депутат шайланат. (DU)
Дагы караңыз
Теледебат: эки лидер катышпаганы жана кара куурай темасы Сот Момбековдун талапкерлигин калыбына келтирдиКыргызстанда бүгүн көчмө добуш берүү жүрүп жататБишкекте перинаталдык борбордун курулушу үч жылдан бери токтоп турат