Жогорку Кеңештин жалпы сессиясы жаңыдан мандат алган депутат Нурбек Исмаиловдун ант берүүсү менен башталат.
Парламент депутаттары 10-ноябрдагы отурумунда Салык кодексине киргизилип жаткан өзгөртүүлөр тууралуу мыйзам долбоорун 2-окууда карашат. Мыйзам долбоорунун демилгечиси болгон өкмөт жаңы кодексте салыкты көтөрүүгө эмес, салык жыйноонун жол-жобосун жөнөкөйлөштүрүүгө басым жасалганын белгилөөдө.
Аны Жогорку Кеңеш өткөн аптада 1-окууда кабыл алган.
Документ 2-окууда кабыл алынса, 2022-жылдан тартып жаңы Салык кодекси ишке кирет. Бул өлкө тарыхында аталган багытта жаңы редакция менен кабыл алынган үчүнчү кодекс болуп калмакчы.(ZKo)