Коронавируска каршы республикалык ыкчам штабдын бүгүнкү, 29-октябрдагы маалыматына караганда, кечээтен бери Кыргызстанда бул инфекциядан эки адам каза болду, экөө тең вакцина албагандар.
Жалпысынан өлкөдө коронавирустан көз жумгандардын расмий саны 2666га жетти.
Соңку бир күн ичинде вирус дагы 116 адамдан табылды. Алардын эң көбү Бишкек шаарында (54 адам) жана Чүй облусунда (33 адам). Өлкөдө коронавирус жуккандардын расмий катталган саны 181 105ке жетти. Азыр ооруканада 708 бейтап жатат, дагы 699 адам үйдөн дарыланууда.
Адистер расмий статистика чыныгы абалды чагылдырбай жатканын, ооругандар да, каза болгондор да андан көбүрөөк экенин айтып келишет. (RK)
Дагы караңыз
"Фейсбук" компаниясы аталышын Meta деп өзгөртөтПарламенттик шайлоонун үгүт өнөктүгү башталды“Суук контейнерде кыштайбыз": Селден кийинки көйгөйКазак-кытай чегиндеги Пенжимде калайман мушташ чыкты