Быйыл 16-сентябрь күнү Тажикстандын Жийделик айылына жакын жерден кармалган Кыргызстандын жараны Саидакмат Артыковдун туугандары маалымат жыйын өткөрүштү.
Алар тууганын бошотууга жардам берүүнү өтүнүп, кыргыз бийлигине кайрылуу жасашты. Алардын айтымында, Саидакмат Артыков Тажикстандын аймагындагы Жийделик айылында туулуп, чоңойгон. Кийин Кыргызстандын жарандыгын алып, туулган айылына барып келип турган. 15-сентябрда күйөө баласынан кабар алуу үчүн коңшу өлкөгө барып ошол боюнча чыккан эмес.
Жакындарынын айтымында, тажик күч кызматтары чек араны мыйзамсыз бузуп өткөнү үчүн кармалды деп билдиришкен. Ошондой эле сыркоолоп, ооруканага түшкөнү тууралуу маалыматы бар экенин айтып жатышат.
Тажикстан тараптан Артыков боюнча комментарий боло элек.
Сентябрь тажик күч кызматтары чек аралаш аймактан төрт кыргызстандык жаранды кармап кетишкен, алар сүйлөшүүлөрдөн кийин бошотулган. (JsA)
Дагы караңыз
Жалал-Абад ОИИБ: Ташиев ачкычын тапшырган үйдү жеке ишкер курганЭрдоган Батыштын он элчисин өлкөдөн чыгаруудан баш тарттыОктябрь райондук ички иштер бөлүмүнүн башчысы Аалиев эки айга камалдыСанариптик өнүктүрүү министрлиги түзүлүп, мурдагы башчысы кайра дайындалды Тоолуу Карабак: Физулиде аэропорт ачылды