Жогорку Кеңештин депутаты Канат Исаев "Кыргызстан" партиясынын лидерлигинен кетти. Бул тууралуу аталган партиядан "Азаттыкка" тастыкташты.
Чечим партиянын съездинде кабыл алынган. "Кыргызстан" партиясынын жаңы лидери болуп "Аю холдингдин" вице-презденти Нурлан Абдыразаков шайланган.
Канат Исаев партия жетекчилигинин алмашуусу тууралуу комментарий берген жок.
Ал парламенттик шайлоого бир мандаттуу №31 Чүй-Кемин шайлоо округунан талапкер катары бара жатат.
"Кыргызстан" партиясынын негиздөөчүсү "Аю холдингдин" кожоюну Шаршенбек Абдыкеримов бир мандаттуу №33 Нарын шайлоо округунан талапкер болуп катталган. Абдыкеримовдун талапкерлигин "Кыргызстан" партиясы көрсөткөн.
Кыргызстанда парламенттик шайлоо 28-ноябрда өтөт. Бул жолу парламентке 90 депутат келет. Анын 54ү партиялык система менен, 36сы бир мандаттуу округдан шайланат. (МТа)
Дагы караңыз
Жаңылыктар | 25.10.2021 | Бишкекте тамактан уулангандар 100дөн аштыБишкекте тамактан уулангандар 100дөн аштыТалант Мамытовдун шайлоодон четтешинин чоо-жайы БУУ: оогандардын жарымы ачарчылыкка кептелиши мүмкүн