Мамлекеттик ипотекалык компаниядан мурда берилген ипотеканын пайызы этап-этабы менен 4-6% төмөндөйт. Бул тууралуу президент Садыр Жапаров 23-октябрда өткөн жылдык маалымат жыйынында билдирди.
Президенттин айтымында, мамлекеттик ипотекалык компаниянын пайызы 4% төмөндөтүлдү.
Жапаров ошондой эле, жыл башында 100 миң сомго чейин насыя алган 390 миң жарандын 3 айлык пайыздык төлөмдөрүн мамлекет төлөп бергенин, ага 734 млн. сом бөлүнгөнүн айтты.
"Менин үйүм 2021-2026" мамлекеттик турак жай программасы 2021-жылдын 16-сентябрында ишке кирген. Жаңы турак жай программасына катышкан жарандар "Жеңилдетилген ипотека" 4% менен мамлекеттик жана бюджеттик чөйрөнүн кызматкерлерине жана "Жеткиликтүү ипотека" 8% менен башка категориядагы бардык жарандар турак жай сатып ала алышат.
Маалымат жыйында көрсөтүлгөн слайд.
Мамлекеттик ипотекалык компания 2015-жылы элдин турак жай алуу мүмкүнчүлүгүн жогорулатуу максатында түзүлгөн. Учурда ипотекалык насыя 6-8% менен берилет.
Расмий маалыматка ылайык, 2019-жылы 712, ал эми 2020-жылы 474 адам мамлекеттен ипотека алган. Коммерциялык банктарда ипотекалык насыя адатта 17-18% менен берилет.
Дагы караңыз
Быйыл Кыргызстан коронавируска каршы күрөшкө 3 миллиард сом сарптады Садыр Жапаров: Электр тарифин өзгөртпөө чечимин кабыл алдык (видео)Садыр Жапаров: Мындан ары “алтын мандат” деген түшүнүк болбойт Президент Садыр Жапаровдун жылдык маалымат жыйыны башталууда