Кыргызстанда бүгүнкү күндө майыптыгы бар адамдардын саны 200 миңдин тегерегинде. Бул тууралуу 15-октябрда Бишкекте кайрымдуулук марафонунда сүйлөп жатып Министрлер кабинетинин төрагасы Акылбек Жапаров билдирди.
Анын айтымында, майыптыгы барларга мамлекеттен берилүүчү жөлөкпул өлчөмү быйыл жарымына көбөйтүлдү, кийинки жылы дагы ошончого көбөйтүү пландалууда:
“193 700 майып киши бар экен, анын 32 миңи 18 жашка чыга элек балдар. Арасында атасы же апасы жоктор, томолой жетимдер да бар. Президенттин жарлыгына ылайык, 1-октябрдан баштап 50% көбөйтүлдү, а 1-январдан баштап 100% көбөйтүлөт”.
Бул үчүн, Жапаровдун айтымында, келерки жылы 3 миллиард сомдон ашык акча бөлүнөт.
Укук коргоочулардын айтымында, майыптыгы бар кыргызстандыктардын саны расмий статистикадан кыйла айырмаланат, себеби көбү расмий каттоого алынган эмес. (RK)
Дагы караңыз
Түркияда кайнатасынын колунан ажал тапкан АятCOVID-19: Эки бейтап каза болуп, 98 учур жаңы катталды“Алтын балалык” борборуна каражат топтоо боюнча марафон өтүүдө“Мен–Малала” - билимдин баркын сездирген китеп