Орусиянын саламаттык сактоо министри Михаил Мурашко Мамлекеттик Думанын комитеттик отурумунда пенсиядагы медициналык кызматкерлерди жумушка кайтып келүүгө чакырды.
Министрдин айтымында, медициналык мекемелерде абал оорлошуп жатат. Орусияда жаңы типтеги коронавирус инфекциясын жуктургандар 1 миллион 100 миңден ашты. Бул былтыркы жылдын ушул учуруна салыштырмалуу 1,5 эсеге жогору.
14-октябрда бир сутка ичинде 986 киши COVID-19дан көз жумган, 31 299 адамда оору жаңы аныкталып, пандемия башталгандан бери 7,8 миллион учур катталды. Бийлик бул расмий көрсөткүч экенин, иш жүзүндө ооругандар мындан да көп болушу мүмкүн деп эскертип келет.
Каза болгондордун жалпы саны 220 миңден көп. Көз карандысыз демография адистери бул сан 660 миңден ашык болушу мүмкүн экенин эскертишкен. (BCh)
Дагы караңыз
Жандүйнөсү кыл калем менен төгүлгөн таланттар...Түркияда кайнатасынын колунан ажал тапкан АятТашиев менен Матраимов катышкан той талаш-тартыш жараттыKG Analytics: Мектеп окуучуларынын 60% окуу программасын толук түшүнбөйт