Өзгөчө кырдаалдар министрлиги 4-октябрда тараткан маалыматка караганда, Чүй облусунун Виноградный айылында жайгашкан эски иштетилбеген винзаводдун аймагында чыккан өрттө эки киши күйүк алды. Жабыркагандар отту өз алдынча өчүрүүгө аракет кылышкан.
Алардын биринин бети, моюну жана колу күйсө, экинчи жарандын денесинин 50% күйүп, алар Токмок шаардык оорукананын жандандыруу бөлүмүнө жеткирилди.
Түнкү саат 3төн өтүп тутанган от, таңга маал өчүрүлгөн. Өрттүн жалпы аянты 150 чарчы метрди түзгөн.
ӨКМдин маалыматына ылайык, 2021-жылдын сегиз айында республика боюнча 1966 өрт кырсыгы катталды. Бул өткөн жылга салыштырмалуу 29,8% көп. 2020-жылы 1515 өрт катталган. Өрттүн кесепетинен 25 адам (2020-жылы 14 адам) каза таап, 36 адам жабыркаган (2020-жылы 21). Тилсиз жоодон 26 адам куткарылып, 8 млрд. 389 млн. 727 миң сомдук мүлк сакталган. 1248 өрт турак жайда чыгып, тилсиз жоонун жалпы санынын 63,5 % түзгөн. (КЕ)
Дагы караңыз
Коронавирустан бир бейтап каза болуп, 43 учур жаңы катталдыМаксат Касенов 30-октябрга чейин камалдыКыргызстанда 2021-2026-жылдардын диний концепциясы кабыл алындыБалбан Алибек Осмонов дүйнө чемпионатында коло байге үчүн күрөшөт"Түндүк электр"ооруканаларга жарык үзгүлтүксүз берилерин билдирди