Орусиянын Юстиция министрлиги "чет элдик тыңчылардын" реестрине 22 журналистти жана укук коргоочуну киргизди. Алардын арасында "Медиазонанын" башкы редактору Сергей Смирнов, негиздөөчүсү Петр Верзилов да бар.
"Зона права" укук коргоо долбоору да бийликтин "кара тизмесине" киргизилди. Смирнов орус бийлигинин чечимин "дискриминация" деп сыпаттады.
Орусиядагы күч органдарынын ишмердигине көз салган "ОВД-Инфо" долбоору "чет элдик агенттердин" катталбаган коомдук бирикмелеринин тизмесине алынды.
“Чет элдик агенттердин" тизмесине кирген жарандардын көбү "Голос" кыймылы менен кызматташкандар. “Голос" августта "кара тизмеге" киргизилген. Эми реестрге аймактык "Нижегороддогу немис жана европалык маданий борбор" менен "Гендердик иликтөөлөр" коомдук уюму да кошулду.
Юстиция министрлиги соңку чечими тууралуу эч кандай түшүндүрмө берген жок.
"Эркин Европа/Азаттык" радиосунун орус кызматы ("Радио Свобода"), орус тилинде чыккан алты веб-сайтты, "Настоящее время" кызматын да бийликтин "кара тизмесине" киргизилген.
“Радио Свобода” “чет өлкөлүк тыңчы” деген макамды четке кагып, альтернативдүү маалымат бергени үчүн орус бийлиги куугунтуктап жатканын билдирет.
Ушул тапта Орусиядагы “чет элдик тыңчылар” тизмесине 72 жаран жана бир катар уюмдар киргизилген. 2021-жылдын башынан тарта тизмеге 55 пункт кошулган.
Дагы караңыз
Аскаровдун өлүмүн УКМК иликтейтЧек арадагы кармоолор, кыргыз бийлигине жолдонгон кат Улуттук банктын төрагасы алмаштыАКШ генералы: Кыргыз аскерлеринин көбүн окутканбыз