БУУнун Коопсуздук кеңешинин туруктуу 5 мүчөсү Ооганстанда стабилдүүлүктү орнотуу маселесинде бир пикирди карманышат. Баш катчы Антониу Гутерриш “бешилтиктин” тышкы иштер министрлери менен жолугушуудан кийин Британия, Кытай, Орусия, АКШ жана Франция Ооганстандын тынч жана туруктуу болушуна, гуманитардык жардамдын тоскоолдуксуз, дискриминациясыз бөлүштүрүлүшүнө кызыкдар деп билдирди.
Баш катчы министрлер Ооганстанда аялдар менен кыздардын укуктары урматталууга, өлкө террорчулар башпааналаган жерге айланбоого, өкмөткө калктын бардык өкүлдөрү камтылууга тийиш деп белгилешкенин да кошумчалады.
АКШ, Британия, Франция жана Орусиянын башкы дипломаттары БУУнун Башкы ассамблеянын алкагында Нью-Йоркко барышкан, Кытайдын тышкы иштер министри жыйынга видео байланыш аркылуу катышты.
“Талибан” кыймылынын августтун ортосунда Ооганстанда бийликти басып алышы өлкө радикал уюмдар топтолгон жайга айланышы мүмкүн деген кооптонууларды күчөттү.
Ошол эле маалда Бээжин менен Москва талибдер менен иштешүүнү жокко чыгарбайт.
Дагы караңыз
Мамлекеттик тил күнүнө арналган жыйын өттүКуугунтук маселесин козгогон парламенттеги кайым айтыш 24-сентябрдын аба ырайы"Балдарга эне тилди үйрөтөбүз": Америкадагы кыргыздарЖапаров: Кыргызстан Кумтөрдү өзү башкаргандан бери 4,1 тонна алтын өндүрдү