Мелис Мырзакматов жетектеген “Улуттар биримдиги” элдик партиясы менен “Көзөмөл” коомдук кыймылынын башчысы Айбек Турганбаев парламенттик шайлоого биргелешип катышат. Бул тууралуу билдирүүнү "Улуттар биримдиги" партиясынын штабы 18-сентябрда таратты.
“Улуттар Биримдиги” партиясы жана “Көзөмөл” бирикмесинин мүчөлөрү эгемендүү Кыргызстандын өнүгүшү үчүн күч-аракетин бириктирүүгө, мамлекеттин өнүгүшүнө байланышкан маселелердин укуктук, саясий жана социалдык аспектилерине чогуу таасир этүүгө ниеттенүүдө", - деп жазылган билдирүүдө.
Мурдараак "Улуттар биримдиги" партиясы парламенттик шайлоого "Мекен сакчысы" коомдук бирикмеси менен чогуу бара турганы, бул боюнча атайын келишим түзүлгөнү кабарланган.
Кыргызстанда парламенттик шайлоо 28-ноябрга белгиленген. Парламент 90 депутаттан турат, беш жылдык мөөнөткө шайланат. 90 депутаттын 54ү партиялык тизмеден, 36сы бир мандаттуу аймактардан шайланып келет. Шайлоого катышуу ниетин билдирип БШКга 75 партия арыз тапшырган. Учурда бир мандаттуу округдардан талапкерлер БШКга арыз тапшыра баштады.
Саясий уюмдар 13-октябрга чейин курултай өткөрүп, жабык добуш берүү аркылуу талапкерлердин тизмесин түзүүгө тийиш. Андан кийин 18-октябрга чейин 1 миллион сом шайлоо күрөөсүн төгүп, тиешелүү документтер Борбордук шайлоо комиссиясына тапшырылат.(ZKo)
Дагы караңыз
Оторбаевдин "Кумтөр ишиндеги" изи Жоомарт Оторбаев УКМКнын тергөө абагына камалдыУрушчаак түгөйлөрдүн таарынычыАКШда Pfizer-BioNTech вакцинасы менен улгайган адамдарды эмдөөгө уруксат берилдиЛондондогу уюм Кыргызстандын алтынын Батыш өлкөлөрүнө сатуу укугун чектедиСооронбай Жээнбеков сурактан чыктыОн чакты обончунун мааракеси чогуу белгиленетКытай: АКШнын аракети Тайван кысыгында коркунуч жаратууда Казак депутаттары Тажикстанга курал берүүнү талкуулайт Футбол: Кыргызстандын кубогунун финалдык беттеши Баткенде өтөт