Орусиянын президенти Владимир Путин айланасындагы адамдардан коронавирус аныкталганына байланыштуу обочолонуп иштөө режимине өттү. Бул тууралуу Кремлдин расмий сайтында кабарланды. Анда президенттин коронавирусту аныктоочу тест тапшырганы боюнча маалымат жок.
Буга чейин Путин паралимпиадачы-спортчулар менен жолугушуу учурунда карантинге кетиши мүмкүн экенин айткан. Бирок президенттин маалымат катчысы Дмитрий Песков Путин "образдуу түрдө айтканын" билдирген.
Владимир Путин Тажикстандын борбору Дүйшөмбүдө өтчү ЖККУ менен ШКУнун саммиттерине барбай турганы белгилүү болду. Ал жыйындарга онлайн катышат.
69 жаштагы Владимир Путин жазында Орусия өндүргөн "Спутник V" вакцинасы менен эмделгени белгилүү болгон. Ал былтыр коронавирустан улам бир нече ай аралыктан иштеп, коомдук иш-чараларга катышкан эмес.
Дагы караңыз
Токтогулда суу былтыркыдан дээрлик 3 млрд. кубометрге азТажикстан Байдендин сөзү үчүн АКШга нааразылык нотасын тапшырдыCот Саркарбаевди актады, прокуратура даттанат ОшМУнун окутуучусу пара менен кармалганы кабарландыБУУнун баш катчысы Ооганстандагы аялдар жетишкен ийгиликтерди сактап калууга чакырды