Бүгүн, 3-сентябрда Бишкекте коомдук ишмер, журналист, жазуучу жана котормочу Тургунбек Суванбердиев эскерилет.
Тургунбек Суванбердиев 1921-жылы 3-сентябрда Талас облусунун Манас районунда туулган. "Кызыл Кыргызстан", "Ленинчил Жаш" гезитинде, "Коммунист" журналында редактор болуп иштеген. 1958-67-жылдары Кыргыз ССР журналисттер союзунун төрагасы жана СССР журналисттер союзунун башкармасынын катчысы болгон.
М.Ауэзовдун "Абай жолу" эпопеясын, В.Лениндин бир катар чыгармаларын, Жон Риддин "Дүйнөнү дүңгүрөткөн 10 күнүн", С. Штеменконун "Генштаб согуш жылдарындасын", Н. Камениндин, С.Габбасовдун И.Каракуловдун жана башка чыгармаларын кыргыз тилине которгон. Көптөгөн очерк, публицистикалык макалалардын автору. Кыргыз ССР Жогорку Советинин депутаты болгон.
Суванбердиев 1990-жылы ноябрда каза болгон.
100 жылдык мааракесине арналган кече Токтогул Сатылганов атындагы Кыргыз улуттук филармониясында өтөт.
Дагы караңыз
Чакан жана орто бизнестин Соцфондго төгүмү убактылуу азайтылды Бюджеттин туруктуулугун камсыз кылуу үчүн атайын фонд түзүлдү ТИМ айрым өлкөлөрдүн жарандарына виза берүүнү токтотуу себебин түшүндүрдүCOVID-19: Беш киши каза болуп, 175 учур жаңы катталды